ՅԱԿՈԲԵԱՆ ԶԱՐՈՒՀԻ / HAKOBIAN ZARUHI
(arm)
Հայկական Մլքէ Թագուհու Եւ Վրացական Ադիշիի Աւետարանների Մանրանկարները. Գեղարուեստական Ոճի Եւ Ձեռագրագիտական Համեմատական Ուսումնասիրութիւն
Miniatures Of The Armenian Gospel Of Queen Mlk’e and Georgian Gospel Of Adishi: Comparative Studies on Artistic Style And Codicology
Bazmavep
2022 / 3-4,
pp.
245-267
Հայկական Մլքէ թագուհու եւ վրացական Ադիշիի նկարազարդ աւետարաններն երկու ինքնատիպ եւ եզակի յուշարձաններ են՝ իւրաքանչիւրն իր ազգային արուեստի շրջանակներում: Նրանք չեն յարում որեւէ գեղարուեստական ուղղութեան կամ դպրոցի: Միեւնոյն ժամանակ այս մատեանները շատ ընդհանրութիւններ ունեն միմեանց հետ, իսկ միասին՝ մեծ աղերսներ ունեն անտիկ գեղարուեստական աւանդոյթների հետ: Աւելին, վաղ ձեռագրերի, այդ թւում այս երկու ձեռագրերի մանրանկարների կառուցուածքը հնարաւորութիւն է տալիս տեսականօրէն վերականգնել դրանցից մէկի՝ Ադիշիի աւետարանի պակաս թերթերն ու մանրանկարների հերթականութիւնը: Յայտնի է Ադիշիի ստեղծման վայրը՝ Կղարջքի Բագրատունիների Շատբեր(դ)տ վանքը: Միեւնոյն ժամանակ Մլքէ թագուհու աւետարանի վերջին շրջանում վերագրումը Շիրակի Բագրատունիներին, թոյլ է տալիս տեսնելու երկու նկարազարդ ձեռագրերի ստեղծման ընդհանուր մշակութային միջավայրը, որ կապւում էր Բագրատունիների հետ եւ արդիւնքն էր այդ միջավայրին բնորոշ դասական կամ անտիկ գեղարուեստական լեզուի եւ ճաշակի: