PERATONER ALBERTO / ՓԵՐԱԹՈՆԵՐ ԱԼՊԵՐՏՈ
(ita)
Una “fucina di colori”. Noè Bordignon e i Padri Armeni
«ԵՐԱՆԳՆԵՐՈՒ ԴԱՐԲՆՈՑ...» ՆՈՅԷ ՊՈՐՏԻՆԻՈՆ ԵՒ ՄԽԻԹԱՐԵԱՆ ՀԱՅՐԵՐԸ
Bazmavep
2022 / 1-2,
pp.
20-36
Նոյէ Պորտինիոնի եւ Մխիթարեան հայրերու փոխյարաբերութիւնները կը սկսին շատ հաւանաբար Վենետիկէն, ուր արուեստագէտը ապրած եւ ստեղծագործած է երկար տարիներ, քանի որ նկարած է թէ՛ այդ տարիներու նշանաւոր վարդապետներու դիմանկարները, ինչպէս Ալիշանի, Զարբհանալեանի, Իսավերտենցի, եւ թէ՛ եկեղեցւոյ գաւիթի տամկանկարները եւ Ս. Գրիգոր Լուսաւորիչի խորանի պատկերը:
Գեղանկարիչի մահուան հարիւրամեակին նուիրուած տօնակատարութիւններու շէմին, նախապատրաստական աշխատանքներու ընթացքին յայտնաբերուեցաւ եւ հաստատուեցաւ որպէս Պորտինիոնի վրձինին պատկանող նկար՝ Մխիթարեան ամարանոցի մատրան Ս. Գրիգոր Լուսաւորիչի խորանի պատկերը:
Այս առիթով հանրութեան գնահատանքին առաջին անգամ ներկայացաւ նաեւ Պորտինիոնի կատարած օրինակութիւնը Այվազովսկիի «Արարում» պատկերին, որ մաս կը կազմէ անհատական հաւաքածոյի:
Նոյէ Պորտինիոն Մխիթարեան հայրերու պատուէրով նկարած է նաեւ տարբեր սրբանկարներ՝ Մխիթարեան առաքելավայրերու եւ վարժարաններու մատուռները զարդարելու համար: Հ. Քերոբէ Չրաքեան կը յիշէ Խոտորջուրի, Կարմիրքի համար նկարուած Ս. Ընտանիքի, Ս. Գրիգոր Լուսաւորիչի եւ Ս. Յովհաննէս Մկրտիչի պաստարները եւ ուրիշներ որոնց հետքը կորսուած է: