SEYMOUR JASMINE H. / ՍԷՅՄՈՒՐ ՅԱՍՄԻԿ
(eng)
Italian years and influences on Papazian’s stage artistry
Իտալական տարիներ եւ ազդեցութիւններ Փափազեանի բեմական արուեստին վրայ
Bazmavep
2019 / 3-4,
pp.
241-261
Շէյքսփիրեան դերասան եւ բեմադրիչ Վահրամ Փափազեան (1888-1968), որուն նուիրուած է Հայ Շէյքսփիրեան Ընկերակցութեան 2019ի Վենետիկի գիտաժողովը, սորվեցաւ եւ բնակեցաւ Մուրատ Ռափայէլեան Վարժարանի շքեղ պալատին մէջ 1900ականներուն։ Փափազեանի ազդեցիկ եւ ճոխ թատերական ժառանգը ծաւալուն հետազօտութեան արժանի է այս գիտաժողովի ծիրէն դուրս։
Այս յօդուածը կեդրոնացած է Իտալիոյ մէջ դաստիարակութեան եւ կազմաւորման տարիներուն վրայ, որ դրոշմեցին մեծ արուեստագէտին կեանքն ու գործը։ Փափազեանի ստացած խիստ դասական կրթութիւնը Մխիթարեան վարժարանին մէջ ձեւաւորեց դասական քաղաքակրթութեան իր ընկալումը։ Մուրատ Ռափայէլեանի մէջ է նաեւ որ սորվեցաւ հին եւ նոր լեզուներ ու ձեռք բերաւ կարգապահութիւն եւ մեծ հմտութիւն։
Մխիթարեան հայրերուն առած որոշումը՝ խոստումնալից երիտասարդը Միլանի Արուեստի Ակադեմիան ուղարկելու, որպէսզի մասնագիտանար գեղարուեստի եւ թատրերգութեան ճիւղէն ներս, Փափազեանի դերասանական ասպարէզին առաջին քայլը հանդիսացաւ, առիթ ընծայելով, որ Իտալիա եւ Եւրոպա շրջի իտալական յայտնի թատերախումբերու հետ։ Յիսուն տարիէ աւելի, Շէյքսփիրի տիպարներու հինգ լեզուներով դերակատարութեամբ, ան տարբեր երկիրներու մէջ արժանացաւ քննադատներու բարձր գնահատանքին եւ ժողովրդական համբաւին։